Mercedes B. Concepcion

 (10 Hunyo 1928)


Mga Katangian (Kalakasan at Kahinaan)
Tinaguriang “Ina ng Demograpiya sa Asya.

Malaki ang naging kontribusyon ni Mercedes Concepcion sa pagsisikap na gawing mas moderno at masinop ang pag-aaral ng demograpiya sa Pilipinas.
Kinilála siyá ng Philippine American Foundation bilang kauna-unahang demograpo sa bansa sapagkat ang kaniyang mga gawa, publikasyon, at pananaliksik ay nakatulong sa pagpapaunlad ng mga patakaran at paraan sa pagpaplano ng pamilya sa Asia at ibang panig ng daigdig. Malaki ang naging kontribusyon niya sa pagsisikap na gawing mas moderno at masinop ang pag-aaral ng demograpiya sa Filipinas. Iginawad sa kaniya Pambansang Alagad ng Agham noong 14 Enero 2010.


Mga Isyung kinaharap at Mga Tagumpay
Siyá ang unang Filipino na naging kagawad ng United Nations Statistical Training Center noong 1955 at unang direktor ng Population Institute sa Unibersidad ng Pilipinas na itinatatag noong 1965. Siyá rin ang tanging naging kinatawan ng bansa sa UN Population Commission at unang babae sa buong Asia na naging tagapangulo ng International Union for the Scientific Study of Population. Malaki ang naitulong ni Concepcion sa pagbabalangkas ng Population Act of 1971. Ang batas na ito ang nagtakda ng pambansang patakaran sa populasyon at nagbigay direksiyon sa pagpapatupad ng mga programa para sa pagpaplano ng pamilya. Pinangunahan din niya ang pagrepaso sa sistemang pang-estadistika ng Filipinas at nagbigay daan upang itatag ang National Statistical Coordination Board, National Statistics Office, Bureau of Agricultural Statistics, Bureau of Labor and Employment Statistics, at Statistical Research and Training Center.


Uri ng Pamumuno
Transactional, Participative at Free-Rein ang kanyang pamumuno sapagkat epektibo at mahusay ang kanyang mga pamamaraan upang maisagawa ang kanyang mga pag-aaral. Siya rin ay
mapanuri at mayroong nakatalagang layunin. Makikita ang kanyang dedikasyon sa kaliwa’t kanang parangal na kanyang natatanggap.  Patunay ang mga ito ng pagiging isang magaling at kapuri-puring pinuno ni Concepcion.